ਮੁੰਬਈ: ਚਾਰ ਦਹਾਕਿਆਂ ਤੋਂ ਵੱਧ ਦੇ ਫਿਲਮੀ ਕਰੀਅਰ ਅਤੇ ਦਰਜਨਾਂ ਸੁਪਰਹਿੱਟ ਫਿਲਮਾਂ ਦੇ ਸਹਾਰੇ ਬਾਲੀਵੁੱਡ ਅਦਾਕਾਰ ਸੰਨੀ ਦਿਓਲ ਅੱਜ ਦੇਸ਼ ਦੇ ਸਭ ਤੋਂ ਅਮੀਰ ਅਦਾਕਾਰਾਂ ਵਿੱਚ ਗਿਣੇ ਜਾਂਦੇ ਹਨ। 68 ਸਾਲ ਦੀ ਉਮਰ ਵਿੱਚ ਵੀ ਉਹ ਲਗਾਤਾਰ ਵੱਡੇ ਪ੍ਰੋਜੈਕਟਾਂ ਨਾਲ ਦਰਸ਼ਕਾਂ ਦਾ ਮਨੋਰੰਜਨ ਕਰ ਰਹੇ ਹਨ। ਫਿਲਮਾਂ ਤੋਂ ਕਮਾਈ ਦੇ ਨਾਲ-ਨਾਲ ਉਨ੍ਹਾਂ ਨੇ ਰੀਅਲ ਐਸਟੇਟ ਵਿੱਚ ਵੀ ਵੱਡੇ ਨਿਵੇਸ਼ ਕੀਤੇ ਹਨ।
ਰਿਪੋਰਟਾਂ ਮੁਤਾਬਕ ਸੰਨੀ ਦਿਓਲ ਕੋਲ ਮੁੰਬਈ ਦੇ ਮਾਲਾਬਾਰ ਹਿੱਲ ਇਲਾਕੇ ਵਿੱਚ ਇੱਕ ਸ਼ਾਨਦਾਰ ਬੰਗਲਾ ਹੈ, ਜਿਸ ਵਿੱਚ ਪ੍ਰਾਈਵੇਟ ਮੂਵੀ ਥੀਏਟਰ, ਜਿਮ, ਹੈਲੀਪੈਡ ਅਤੇ ਵੱਡਾ ਸਵਿਮਿੰਗ ਪੂਲ ਵਰਗੀਆਂ ਆਧੁਨਿਕ ਸੁਵਿਧਾਵਾਂ ਮੌਜੂਦ ਹਨ।
ਇਸ ਤੋਂ ਇਲਾਵਾ ਮੁੰਬਈ ਦੇ ਜੁਹੂ ਵਿੱਚ ਦਿਓਲ ਪਰਿਵਾਰ ਦਾ ਆਲੀਸ਼ਾਨ ਘਰ ਵੀ ਹੈ, ਜਿਸ ਦੀ ਕੀਮਤ ਲਗਭਗ 50 ਤੋਂ 60 ਕਰੋੜ ਰੁਪਏ ਦੱਸੀ ਜਾਂਦੀ ਹੈ। ਸੰਨੀ ਦਿਓਲ ਦੇ ਓਸ਼ੀਵਾਰਾ, ਮਨਾਲੀ ਅਤੇ ਵਿਦੇਸ਼ ਵਿੱਚ ਵੀ ਰਿਹਾਇਸ਼ੀ ਸੰਪਤੀਆਂ ਹਨ।
100 ਕਰੋੜ ਦਾ ਲਗਜ਼ਰੀ ਫਾਰਮਹਾਊਸ
ਸੰਨੀ ਦਿਓਲ ਦਾ ਮੁੰਬਈ ਨੇੜੇ ਲੋਣਾਵਲਾ ਵਿੱਚ ਇੱਕ ਸ਼ਾਨਦਾਰ ਫਾਰਮਹਾਊਸ ਵੀ ਹੈ, ਜਿਸ ਦੀ ਕੀਮਤ ਕਰੀਬ 100 ਕਰੋੜ ਰੁਪਏ ਦੱਸੀ ਜਾਂਦੀ ਹੈ। ਇਸ ਤੋਂ ਇਲਾਵਾ ਉਨ੍ਹਾਂ ਕੋਲ ਯੂਕੇ ਵਿੱਚ ਵੀ ਇੱਕ ਪ੍ਰਾਪਰਟੀ ਹੋਣ ਦੀ ਜਾਣਕਾਰੀ ਸਾਹਮਣੇ ਆਈ ਹੈ।
ਕੁੱਲ ਕਿੰਨੀ ਹੈ ਦੌਲਤ?
ਵੱਖ-ਵੱਖ ਮੀਡੀਆ ਰਿਪੋਰਟਾਂ ਅਨੁਸਾਰ, 2025 ਤੱਕ ਸੰਨੀ ਦਿਓਲ ਦੀ ਕੁੱਲ ਜਾਇਦਾਦ 130 ਤੋਂ 180 ਕਰੋੜ ਰੁਪਏ ਦੇ ਵਿਚਕਾਰ ਅੰਦਾਜ਼ੀ ਤੌਰ ‘ਤੇ ਦੱਸੀ ਜਾਂਦੀ ਹੈ। ਉਨ੍ਹਾਂ ਦੀ ਆਮਦਨ ਦਾ ਮੁੱਖ ਸਰੋਤ ਫਿਲਮਾਂ, ਵਿਗਿਆਪਨ ਅਤੇ ਰੀਅਲ ਐਸਟੇਟ ਵਿੱਚ ਕੀਤੇ ਨਿਵੇਸ਼ ਹਨ।
ਆਉਣ ਵਾਲੀਆਂ ਫਿਲਮਾਂ
ਸੰਨੀ ਦਿਓਲ ਜਲਦ ਹੀ 14 ਅਗਸਤ ਨੂੰ ਰਿਲੀਜ਼ ਹੋਣ ਵਾਲੀ ਫਿਲਮ ‘ਬੰਟਵਾਰਾ 1947’ ਵਿੱਚ ਨਜ਼ਰ ਆਉਣਗੇ। ਇਸ ਤੋਂ ਇਲਾਵਾ ਉਹ ਨਿਰਦੇਸ਼ਕ ਨਿਤੇਸ਼ ਤਿਵਾਰੀ ਦੀ ਫਿਲਮ ‘ਰਾਮਾਇਣ’ ਵਿੱਚ ਭਗਵਾਨ ਹਨੂਮਾਨ ਦੀ ਭੂਮਿਕਾ ਨਿਭਾਉਣਗੇ। ਹਾਲਾਂਕਿ, ਉਨ੍ਹਾਂ ਦਾ ਲੁੱਕ ਹਾਲੇ ਤੱਕ ਜਨਤਕ ਨਹੀਂ ਕੀਤਾ ਗਿਆ ਹੈ।
