ਚੰਡੀਗੜ੍ਹ/ਜੋਧਪੁਰ, 10 ਮਾਰਚ 2026
(ਰਿਪੋਰਟ ਸੰਦੀਪ ਚੌਧਰੀ ਨਿਊਜ਼ 89 ਪੰਜਾਬ )
ਪੀਆਈਬੀ ਚੰਡੀਗੜ੍ਹ ਦੇ ਪੱਤਰਕਾਰ ਵਫ਼ਦ ਨੇ ਅੱਜ ਜੋਧਪੁਰ ਵਿੱਚ ਭਾਰਤੀ ਤਕਨੀਕੀ ਸੰਸਥਾਨ ਜੋਧਪੁਰ (ਆਈਆਈਟੀ ਜੋਧਪੁਰ), ਰਾਸ਼ਟਰੀ ਫੈਸ਼ਨ ਪ੍ਰੌਦਯੋਗਿਕੀ ਸੰਸਥਾਨ (ਨਿਫਟ) ਅਤੇ ਫੁਟਵੇਅਰ ਡਿਜ਼ਾਈਨ ਐਂਡ ਡਿਵੈਲਪਮੈਂਟ ਇੰਸਟੀਟਿਊਟ (ਐੱਫਡੀਆਈਆਈ) ਦਾ ਦੌਰਾ ਕੀਤਾ।
ਇਸ ਦੌਰਾਨ ਵਫ਼ਦ ਨੇ ਆਈਆਈਟੀ ਦੇ ਖੋਜ ਪ੍ਰਬੰਧਾਂ, ਨਵਾਚਾਰ ਉਪਰਾਲਿਆਂ ਅਤੇ ਉੱਚ ਸਿੱਖਿਆ ਅਤੇ ਤਕਨੀਕੀ ਵਿਕਾਸ ਨਾਲ ਸਬੰਧਤ ਉੱਤਮ ਯਤਨਾਂ ਬਾਰੇ ਜਾਣਕਾਰੀ ਹਾਸਲ ਕੀਤੀ। ਦੌਰੇ ਦੀ ਸ਼ੁਰੂਆਤ ਮੀਡੀਆ ਵਫ਼ਦ ਦੇ ਆਗਮਨ ਅਤੇ ਰਜਿਸਟ੍ਰੇਸ਼ਨ ਨਾਲ ਹੋਈ, ਜਿਸ ਤੋਂ ਬਾਅਦ ਆਈਆਈਟੀ ਜੋਧਪੁਰ ਦੀ ਅਗਵਾਈ ‘ਚ ਇੱਕ ਸਵਾਗਤ ਅਤੇ ਜਾਣ-ਪਛਾਣ ਸੈਸ਼ਨ ਆਯੋਜਿਤ ਕੀਤਾ ਗਿਆ।
ਇਸ ਮੌਕੇ ‘ਤੇ ਆਈਆਈਟੀ ਜੋਧਪੁਰ ਦੇ ਨਿਦੇਸ਼ਕ ਪ੍ਰੋ. ਅਵਿਨਾਸ਼ ਕੁਮਾਰ ਅਗਰਵਾਲ ਨੇ ਮੀਡੀਆ ਵਫ਼ਦ ਨੂੰ ਸੰਬੋਧਨ ਕਰਦੇ ਹੋਏ ਸੰਸਥਾਨ ਦੇ ਵਿਜ਼ਨ, ਸਿੱਖਿਆ ਪ੍ਰੋਗਰਾਮਾਂ ਅਤੇ ਅਤਿ ਆਧੁਨਿਕ ਖੋਜ, ਤਕਨੀਕੀ ਵਿਕਾਸ ਅਤੇ ਰਾਸ਼ਟਰ ਨਿਰਮਾਣ ਵਿੱਚ ਸੰਸਥਾਨ ਦੇ ਵਧ ਰਹੇ ਯੋਗਦਾਨ ਬਾਰੇ ਵਿਸਥਾਰ ਨਾਲ ਜਾਣਕਾਰੀ ਦਿੱਤੀ। ਇਸ ਸੈਸ਼ਨ ਵਿੱਚ ਸੰਸਥਾਨ ਦੇ ਵੱਖ-ਵੱਖ ਫੈਕਲਟੀਜ਼ ਦੇ ਡੀਨ ਵੀ ਮੌਜੂਦ ਰਹੇ ਅਤੇ ਉਨ੍ਹਾਂ ਨੇ ਪੱਤਰਕਾਰਾਂ ਨੂੰ ਵੱਖ-ਵੱਖ ਸਿੱਖਿਆ ਅਤੇ ਖੋਜ ਗਤੀਵਿਧੀਆਂ ਬਾਰੇ ਜਾਣੂ ਕਰਵਾਇਆ।
ਪ੍ਰੋ. ਅਗਰਵਾਲ ਨੇ ਦੱਸਿਆ ਕਿ ਆਈਆਈਟੀ ਜੋਧਪੁਰ ਵਿਗਿਆਨ, ਤਕਨੀਕ ਅਤੇ ਨਵਾਚਾਰ ਦੇ ਖੇਤਰ ਵਿੱਚ ਲਗਾਤਾਰ ਨਵੇਂ ਆਯਾਮ ਸਥਾਪਤ ਕਰ ਰਿਹਾ ਹੈ। ਉਨ੍ਹਾਂ ਨੇ ਦੱਸਿਆ ਕਿ ਸੰਸਥਾਨ ਵੱਖ-ਵੱਖ ਰਾਸ਼ਟਰੀ ਸੰਸਥਾਨਾਂ, ਉਦਯੋਗਾਂ ਅਤੇ ਸਰਕਾਰੀ ਵਿਭਾਗਾਂ ਨਾਲ ਸਹਿਯੋਗ ਦੇ ਮਾਧਿਅਮ ਨਾਲ ਕਈ ਮਹੱਤਵਪੂਰਨ ਪ੍ਰੋਜੈਕਟਾਂ ‘ਤੇ ਕੰਮ ਕਰ ਰਿਹਾ ਹੈ। ਇਨ੍ਹਾਂ ਸਹਿਯੋਗਾਤਮਕ ਯਤਨਾਂ ਰਾਹੀਂ ਖੋਜ, ਤਕਨੀਕੀ ਵਿਕਾਸ ਅਤੇ ਨਵਾਚਾਰ ਨੂੰ ਪ੍ਰੋਤਸਾਹਨ ਦੇਣ ਲਈ ਕਈ ਮਹੱਤਵਪੂਰਨ ਕਦਮ ਚੁੱਕੇ ਗਏ ਹਨ, ਜਿਸ ਨਾਲ ਸਮਾਜ ਅਤੇ ਉਦਯੋਗ ਦੋਹਾਂ ਨੂੰ ਲਾਭ ਮਿਲ ਰਿਹਾ ਹੈ।
ਇਸ ਦੌਰਾਨ ਵਫ਼ਦ ਨੇ ਸਕੂਲ ਆਫ ਡਿਜ਼ਾਈਨ ਦਾ ਦੌਰਾ ਕੀਤਾ, ਜਿੱਥੇ ਉਨ੍ਹਾਂ ਨੂੰ ਅੰਤਰ ਵਿਸ਼ਾ ਡਿਜ਼ਾਈਨ ਸਿੱਖਿਆ, ਨਵਾਚਾਰ ਅਧਾਰਤ ਸਿਖਲਾਈ ਵਿਧੀਆਂ ਅਤੇ ਸਮਾਜਿਕ ਅਤੇ ਤਕਨੀਕੀ ਚੁਣੌਤੀਆਂ ਦੇ ਹੱਲ ਨਾਲ ਜੁੜੇ ਪ੍ਰੋਜੈਕਟਾਂ ਬਾਰੇ ਜਾਣਕਾਰੀ ਦਿੱਤੀ ਗਈ।
ਪੱਤਰਕਾਰ ਵਫ਼ਦ ਨੇ ਜੋਧਪੁਰ ਸਿਟੀ ਨੌਲਿਜ ਐਂਡ ਇਨੋਵੇਸ਼ਨ ਫਾਊਂਡੇਸ਼ਨ (ਜੇਸੀਕੇਆਈਐੱਫ) ਦਾ ਵੀ ਦੌਰਾ ਕੀਤਾ, ਜਿੱਥੇ ਉਨ੍ਹਾਂ ਨੂੰ ਖੇਤਰ ਵਿੱਚ ਉੱਦਮਤਾ, ਸਟਾਰਟਅਪ ਇਨਕਿਊਬੇਸ਼ਨ ਅਤੇ ਨਵਾਚਾਰ ਅਧਾਰਤ ਪ੍ਰਬੰਧਾਂ ਨੂੰ ਪ੍ਰੋਤਸਾਹਨ ਦੇਣ ਨਾਲ ਸਬੰਧਤ ਵੱਖ-ਵੱਖ ਉਪਰਾਲਿਆਂ ਬਾਰੇ ਦੱਸਿਆ ਗਿਆ।
ਇਸ ਤੋਂ ਇਲਾਵਾ ਵਫ਼ਦ ਨੇ ਆਈਆਈਟੀ ਜੋਧਪੁਰ ਦੀ ਸੈਂਟਰਲ ਰਿਸਰਚ ਫੈਸਿਲਟੀ (ਸੀਆਰਐੱਫ) ਦਾ ਦੌਰਾ ਕੀਤਾ, ਜਿੱਥੇ ਅਤਿ ਆਧੁਨਿਕ ਵਿਗਿਆਨਕ ਉਪਕਰਣਾਂ ਅਤੇ ਖੋਜ ਢਾਂਚਿਆਂ ਰਾਹੀਂ ਵੱਖ-ਵੱਖ ਵਿਸ਼ਿਆਂ ਵਿੱਚ ਉੱਨਤ ਖੋਜ ਕਾਰਜ ਕੀਤੇ ਜਾ ਰਹੇ ਹਨ।
ਦੌਰੇ ਦੌਰਾਨ ਵਫ਼ਦ ਨੇ ਸੰਸਥਾਨ ਦੇ ਟਿਕਾਊ ਅਤੇ ਵਾਤਾਵਰਣ ਅਨੁਕੂਲ ਕੈਂਪਸ ਦਾ ਵੀ ਨਿਰੀਖਣ ਕੀਤਾ, ਜਿਸ ਵਿੱਚ ਊਰਜਾ ਕੁਸ਼ਲ ਪ੍ਰਣਾਲੀਆਂ, ਵਾਤਾਵਰਣ ਪ੍ਰਤੀ ਜ਼ਿੰਮੇਵਾਰ ਢਾਂਚਾ ਅਤੇ ਟਿਕਾਊ ਵਿਕਾਸ ਨਾਲ ਸਬੰਧਤ ਵੱਖ-ਵੱਖ ਯਤਨਾਂ ਨੂੰ ਦੇਖਿਆ।
ਦੌਰੇ ਦੌਰਾਨ ਪੱਤਰਕਾਰਾਂ ਨੂੰ ਫੈਕਲਟੀ ਮੈਂਬਰਾਂ ਅਤੇ ਅਧਿਕਾਰੀਆਂ ਨਾਲ ਗੈਰ-ਰਸਮੀ ਗੱਲਬਾਤ ਦਾ ਮੌਕਾ ਮਿਲਿਆ। ਇਸ ਦੌਰਾਨ ਉਨ੍ਹਾਂ ਨੇ ਵਿਗਿਆਨ, ਤਕਨੀਕ, ਨਵਾਚਾਰ ਅਤੇ ਉਦਮਤਾ ਨੂੰ ਪ੍ਰੋਤਸਾਹਨ ਦੇਣ ਵਿੱਚ ਆਈਆਈਟੀ ਜੋਧਪੁਰ ਦੀ ਭੂਮਿਕਾ ਬਾਰੇ ਵਿਸਥਾਰ ਨਾਲ ਜਾਣਕਾਰੀ ਹਾਸਲ ਕੀਤੀ। ਇਸ ਦੌਰੇ ਰਾਹੀਂ ਮੀਡੀਆ ਪ੍ਰਤਿਨਿਧੀਆਂ ਨੂੰ ਸੰਸਥਾਨ ਵਿੱਚ ਹੋ ਰਹੀ ਅੰਤਰ ਵਿਸ਼ਾ ਖੋਜ, ਨਵਾਚਾਰ ਨੂੰ ਪ੍ਰੋਤਸਾਹਨ ਦੇਣ ਦੇ ਯਤਨਾਂ ਅਤੇ ਰਾਸ਼ਟਰੀ ਤਰਜੀਹਾਂ ਦੇ ਅਨੁਕੂਲ ਤਕਨੀਕੀ ਤਰੱਕੀ ਵਿੱਚ ਆਈਆਈਟੀ ਜੋਧਪੁਰ ਦੇ ਯੋਗਦਾਨ ਨੂੰ ਸਿੱਧੇ ਤੌਰ ‘ਤੇ ਦੇਖਣ ਦਾ ਮੌਕਾ ਮਿਲਿਆ।
ਇਸ ਦੌਰੇ ਦੌਰਾਨ ਨਿਫਟ ਦੇ ਨਿਰਦੇਸ਼ਕ ਪ੍ਰੋ. (ਡਾ.) ਜੀ.ਐੱਚ.ਐੱਸ. ਪ੍ਰਸਾਦ ਨੇ ਸੰਸਥਾਨ ਦੀ ਕਾਰਜਪ੍ਰਣਾਲੀ, ਨਵੀਂ ਗਤੀਵਿਧੀਆਂ ਅਤੇ ਸਿੱਖਿਆ ਦੀ ਗੁਣਵੱਤਾ ਦੇ ਸਬੰਧ ਵਿੱਚ ਵਿਸਥਾਰ ਨਾਲ ਜਾਣਕਾਰੀ ਪ੍ਰਦਾਨ ਕੀਤੀ। ਉਨ੍ਹਾਂ ਨੇ ਦੱਸਿਆ ਕਿ ਨਿਫਟ ਨਵੀਂ ਤਕਨਾਲੋਜੀ, ਹੁਨਰ ਅਧਾਰਤ ਅਤੇ ਰੋਜ਼ਗਾਰਮੁਖੀ ਸਿੱਖਿਆ ਦੇ ਖੇਤਰ ਵਿੱਚ ਲਗਾਤਾਰ ਅੱਗੇ ਵਧ ਰਿਹਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਫੈਸ਼ਨ ਸਿੱਖਿਆ ਦੇ ਖੇਤਰ ਵਿੱਚ ਨਿਫਟ ਨੇ ਦੇਸ਼-ਵਿਦੇਸ਼ ਵਿੱਚ ਵਿਸ਼ੇਸ਼ ਪਛਾਣ ਸਥਾਪਤ ਕੀਤੀ ਹੈ ਅਤੇ ਇੱਥੋਂ ਸਿੱਖਿਆ ਪ੍ਰਾਪਤ ਕਰਨ ਵਾਲੇ ਵਿਦਿਆਰਥੀ ਰਾਸ਼ਟਰੀ ਅਤੇ ਅੰਤਰਰਾਸ਼ਟਰੀ ਪੱਧਰ ‘ਤੇ ਮਹੱਤਵਪੂਰਨ ਯੋਗਦਾਨ ਦੇ ਰਹੇ ਹਨ।
ਪ੍ਰੋ. ਪ੍ਰਸਾਦ ਨੇ ਸੰਸਥਾਨ ਦੇ ਅਤਿ ਆਧੁਨਿਕ ਪ੍ਰਯੋਗ ਅਤੇ ਨਵਾਚਾਰਾਂ ਬਾਰੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਸੰਸਥਾਨ ਵਿੱਚ ਅਧਿਐਨ ਕਰ ਰਹੇ ਵਿਦਿਆਰਥੀਆਂ ਨੇ ਰਾਜਸਥਾਨ ਰੋਇਲਜ਼ ਕ੍ਰਿਕਟ ਟੀਮ ਦੀ ਜਰਸੀ ਅਤੇ ਸੰਸਦ ਦੇ ਮਾਰਸ਼ਲਾਂ ਲਈ ਪਹਿਰਾਵੇ ਵੀ ਡਿਜ਼ਾਈਨ ਕੀਤੇ ਹਨ।
ਇਸ ਮੌਕੇ ‘ਤੇ ਪੱਤਰਕਾਰ ਦਲ ਨੇ ਸੰਸਥਾਨ ਦੀਆਂ ਪ੍ਰਯੋਗਸ਼ਾਲਾਵਾਂ ਅਤੇ ਵੱਖ-ਵੱਖ ਸਿੱਖਿਆ ਇਕਾਈਆਂ ਦਾ ਵੀ ਦੌਰਾ ਕੀਤਾ। ਉਨ੍ਹਾਂ ਨੇ ਦੱਸਿਆ ਕਿ ਕੇਂਦਰ ਸਰਕਾਰ ਦੀਆਂ ਕਈ ਮਹੱਤਵਪੂਰਨ ਯੋਜਨਾਵਾਂ, ਖੋਜ ਗਤੀਵਿਧੀਆਂ ਅਤੇ ਨਵਾਚਾਰ ਪ੍ਰੋਜੈਕਟਾਂ ਵਿੱਚ ਨਿਫਟ ਦੀ ਸਰਗਰਮ ਭਾਗੀਦਾਰੀ ਰਹੀ ਹੈ। ਸੰਸਥਾਨ ਫੈਸ਼ਨ, ਡਿਜ਼ਾਈਨ ਅਤੇ ਟੈਕਸਟਾਈਲ ਖੇਤਰ ਵਿੱਚ ਨਵੀਆਂ ਉੱਚਾਈਆਂ ਨੂੰ ਛੂਹ ਰਿਹਾ ਹੈ ਅਤੇ ਨੌਜਵਾਨਾਂ ਲਈ ਕਈ ਮੌਕੇ ਉਪਲਬਧ ਕਰਵਾ ਰਿਹਾ ਹੈ।
ਅਸਿਸਟੈਂਟ ਪ੍ਰੋਫੈਸਰ ਅਤੇ ਜਨਸੰਪਰਕ ਅਧਿਕਾਰੀ ਡਾ. ਮਨੀਸ਼ ਸ਼ਰਮਾ ਨੇ ਦੱਸਿਆ ਕਿ ਪੱਤਰਕਾਰ ਵਫ਼ਦ ਨੇ ਸੰਸਥਾਨ ਦੀਆਂ ਪ੍ਰਯੋਗਸ਼ਾਲਾਵਾਂ, ਸਿਖਲਾਈ ਕੇਂਦਰਾਂ, ਨਵਾਚਾਰ ਸੁਵਿਧਾਵਾਂ ਅਤੇ ਵਿਦਿਆਰਥੀਆਂ ਦੇ ਹੁਨਰ ਪ੍ਰਦਰਸ਼ਨ ਦੇਖਿਆ। ਵਫ਼ਦ ਨੇ ਨਿਫਟ ਵੱਲੋਂ ਫੈਸ਼ਨ ਤਕਨਾਲੋਜੀ ਵਿੱਚ ਕੀਤੇ ਜਾ ਰਹੇ ਨਵਾਚਾਰਾਂ ਅਤੇ ਅਭਿਆਸਾਂ ਦੀ ਸ਼ਲਾਘਾ ਕੀਤੀ।
ਇਸ ਦੌਰਾਨ ਸੰਯੁਕਤ ਨਿਦੇਸ਼ਕ ਡਾ. ਜਨਮਯ ਸਿੰਘ ਹਾੜਾ ਅਤੇ ਫੈਸ਼ਨ ਡਿਜ਼ਾਈਨ ਵਿਭਾਗ ਤੋਂ ਡਾ. ਅਦਿਤੀ ਮੇੜਤਿਆ ਨੇ ਵਫ਼ਦ ਨੂੰ ਨਿਫਟ ਦਾ ਦੌਰਾ ਕਰਵਾਇਆ।
ਐੱਫਡੀਡੀਆਈ ਦੇ ਕਾਰਜਕਾਰੀ ਨਿਦੇਸ਼ਕ ਸ਼੍ਰੀ ਅਨਿਲ ਕੁਮਾਰ ਨੇ ਦੱਸਿਆ ਕਿ ਐੱਫਡੀਡੀਆਈ ਦਾ ਮੰਤਵ ਰਾਜਸਥਾਨ ਦੀ ਰਵਾਇਤੀ ਸ਼ਿਲਪ ਵਿਰਾਸਤ ਨੂੰ ਆਧੁਨਿਕ ਵਿਗਿਆਨ ਅਤੇ ਤਕਨਾਲੋਜੀ ਨਾਲ ਜੋੜ ਕੇ ਇਸਨੂੰ ਵਿਸ਼ਵ ਪੱਧਰ ਤੱਕ ਪਹੁੰਚਾਉਣਾ ਹੈ। ਉਦਯੋਗ ਅਧਾਰਤ ਪਾਠਕ੍ਰਮ, ਏਆਈ ਆਧਾਰਿਤ ਸਿੱਖਿਆ ਅਤੇ ਅੰਤਰਰਾਸ਼ਟਰੀ ਸਹਿਯੋਗ ਰਾਹੀਂ ਸੰਸਥਾਨ ਵਿਦਿਆਰਥੀਆਂ ਨੂੰ ਭਵਿੱਖ ਲਈ ਤਿਆਰ ਕਰ ਰਿਹਾ ਹੈ। 2013 ਵਿੱਚ ਸਥਾਪਤ ਇਹ ਸੰਸਥਾਨ ਭਾਰਤ ਸਰਕਾਰ ਦੇ ਵਪਾਰ ਅਤੇ ਉਦਯੋਗ ਮੰਤਰਾਲੇ ਦੇ ਅਧੀਨ ਆਉਂਦਾ ਹੈ ਅਤੇ ਐੱਫਡੀਡੀਆਈ ਐਕਟ, 2017 ਦੇ ਤਹਿਤ ਰਾਸ਼ਟਰੀ ਮਹੱਤਤਾ ਦਾ ਸੰਸਥਾਨ ਹੈ। ਇਹ ਸੈਂਟਰ ਆਫ ਐਕਸੀਲੈਂਸ ਖੋਜ, ਨਵਾਚਾਰ ਅਤੇ ਉਦਯੋਗਿਕ ਸਹਿਯੋਗ ਦਾ ਇੱਕ ਮਹੱਤਵਪੂਰਨ ਕੇਂਦਰ ਹੈ। ਸੰਸਥਾਨ ਡਿਜ਼ਾਈਨਿੰਗ ਦੇ ਖੇਤਰ ਵਿੱਚ ਆਰਟੀਫ਼ਿਸ਼ਲ ਇੰਟੈਲੀਜੈਂਸ, ਡਾਟਾ ਮੁਲਾਂਕਣ, ਡਿਜ਼ੀਟਲ ਪ੍ਰਚੂਨ, ਟਿਕਾਊ ਉਤਪਾਦ ਵਿਕਾਸ, ਸਟਾਰਟਅਪ ਅਤੇ ਉੱਦਮਤਾ ਵਿਕਾਸ ਨਾਲ ਸਬੰਧਤ ਕੰਮ ਕਰ ਰਿਹਾ ਹੈ। ਉਨ੍ਹਾਂ ਨੇ ਦੱਸਿਆ ਕਿ ਇਸ ਖੇਤਰ ਵਿੱਚ ਰੋਜ਼ਗਾਰ ਅਤੇ ਸਟਾਰਟਅਪ ਦੀਆਂ ਬੇਅੰਤ ਸੰਭਾਵਨਾਵਾਂ ਹਨ।
