ਚੰਡੀਗੜ੍ਹ: ਹਰਿਆਣਾ ਸਿਵਲ ਸਰਵਿਸਿਜ਼ (HCS) ਅਤੇ ਇਸ ਨਾਲ ਸੰਬੰਧਿਤ 102 ਅਸਾਮੀਆਂ ਲਈ ਹੋਈ ਮੁੱਖ ਪ੍ਰੀਖਿਆ ਵਿੱਚ 80 ਉਮੀਦਵਾਰ ਗੈਰਹਾਜ਼ਰ ਰਹੇ। ਹਰਿਆਣਾ ਲੋਕ ਸੇਵਾ ਆਯੋਗ (HPSC) ਨੇ ਪਹਿਲੀ ਵਾਰ ਇਹ ਪ੍ਰੀਖਿਆ ਸੰਘ ਲੋਕ ਸੇਵਾ ਆਯੋਗ (UPSC) ਦੇ ਪੈਟਰਨ ਅਨੁਸਾਰ ਕਰਵਾਈ।
ਪਹਿਲਾਂ HCS ਮੁੱਖ ਪ੍ਰੀਖਿਆ ਵਿੱਚ ਕੁੱਲ ਚਾਰ ਪੇਪਰ ਹੁੰਦੇ ਸਨ, ਪਰ ਇਸ ਵਾਰ UPSC ਦੇ ਮਾਡਲ ਦੀ ਤਰਜ਼ ‘ਤੇ ਛੇ ਪੇਪਰ ਕਰਵਾਏ ਗਏ। ਪ੍ਰੀਖਿਆ ਵਿੱਚ ਸ਼ਾਮਲ ਹੋਏ ਉਮੀਦਵਾਰਾਂ ਨੇ ਇਸ ਬਦਲਾਅ ਨੂੰ ਸਕਾਰਾਤਮਕ ਦੱਸਿਆ ਅਤੇ ਕਿਹਾ ਕਿ ਨਵਾਂ ਪੈਟਰਨ ਹੋਰ ਬਿਹਤਰ ਸਾਬਤ ਹੋਇਆ ਹੈ।
ਪ੍ਰੀਖਿਆਰਥੀਆਂ ਕੈਥਲ ਦੇ ਅਰਵਿੰਦ ਕੁਮਾਰ, ਰੋਹਤਕ ਦੇ ਸਾਹਿਲ ਅਤੇ ਮਹਿੰਦਰਗੜ੍ਹ ਦੇ ਧਰਮਿੰਦਰ ਕੁਮਾਰ ਨੇ ਦੱਸਿਆ ਕਿ ਸਾਰੇ ਪ੍ਰਸ਼ਨ ਨਿਰਧਾਰਤ ਸਿਲੇਬਸ ਵਿੱਚੋਂ ਹੀ ਪੁੱਛੇ ਗਏ ਸਨ, ਜਿਸ ਕਾਰਨ ਉਨ੍ਹਾਂ ਨੂੰ ਕੋਈ ਵੱਡੀ ਮੁਸ਼ਕਲ ਨਹੀਂ ਆਈ। ਛੇ ਪੇਪਰਾਂ ਦੀ ਇਹ ਪ੍ਰੀਖਿਆ ਕੁੱਲ 600 ਅੰਕਾਂ ਲਈ ਕਰਵਾਈ ਗਈ।
ਕੁੱਲ 1,277 ਯੋਗ ਉਮੀਦਵਾਰਾਂ ਵਿੱਚੋਂ 1,197 ਨੇ ਪ੍ਰੀਖਿਆ ਦਿੱਤੀ, ਜਦਕਿ 80 ਉਮੀਦਵਾਰ ਗੈਰਹਾਜ਼ਰ ਰਹੇ। ਹੁਣ ਅਗਸਤ ਜਾਂ ਸਤੰਬਰ ਮਹੀਨੇ ਵਿੱਚ ਨਤੀਜਾ ਘੋਸ਼ਿਤ ਹੋਣ ਦੀ ਸੰਭਾਵਨਾ ਹੈ। ਪ੍ਰੀਖਿਆ ਵਿੱਚ ਸਫਲ ਰਹਿਣ ਵਾਲੇ ਉਮੀਦਵਾਰਾਂ ਨੂੰ ਇਸ ਤੋਂ ਬਾਅਦ ਇੰਟਰਵਿਊ ਲਈ ਬੁਲਾਇਆ ਜਾਵੇਗਾ।
ਹਰਿਆਣਾ ਲੋਕ ਸੇਵਾ ਆਯੋਗ ਦੇ ਚੇਅਰਮੈਨ ਆਲੋਕ ਵਰਮਾ ਨੇ ਦੱਸਿਆ ਕਿ ਪੂਰੀ ਪ੍ਰੀਖਿਆ ਸ਼ਾਂਤੀਪੂਰਨ ਢੰਗ ਨਾਲ ਸੰਪੰਨ ਹੋਈ।
